Ako si
Aries. Isang
karaniwang pinoy na katulad ninyo ay maraming mga pangarap na gusto abutin.
Dahil siguro sa mga pangarap na ito kaya dinala ako ng aking
mga paa sa ibang bansa upang mag-hanapbuhay.
Opo. Isa ako sa milyong-milyong Pilipino na tinaguriang mga
OFWs o mga “bagong bayani” daw. Malamang, marami sa inyo ay nangangarap din
makahanap ng ikabubuhay sa labas ng ating bansa pero marami din sa amin na nasa
ibang bansa ang nagnanais na makauwi at manatili na lang din sa Pilipinas kung
may sapat nga lang pera at ikabubuhay. Bakit? Kasi, bagama’t mas progresibo ang
mga bansa kung saan nagta-trabaho kaming
mga OFWs, iba pa rin ang saya na mararanasan mo lang sa sarili mong bayan.
Hindi naman naiiba ang buhay ng isang OFW na gaya ko sa
buhay ng ordinaryong manggagawang pinoy na nasa Pinas. Minsan mahirap, minsan
magaan. May panahon na umaapaw ang suwerte sa ‘yo, may panahon na sakto lang at
may panahon na kinakapos ang swerte mo. Pero anumang panahon at nasaan man
tayo, likas sa ating mga Pilipino ang pagiging masayahin. Ito ang isang
katangian na talagang makikita mo sa mga kababayan natin at talagang
hinahangaan sa atin ng mga dayuhan.
Salamat at naisipan mo basahin ang BLOG ko. Samahan mo ako
at sabay nating unawain, pag-usapan at i-experience ang iba’t-ibang aspeto ng
buhay na nagbibigay ng samut-saring kulay sa bawat araw ng isang simpleng
pinoy!
No comments:
Post a Comment